Мәгълүмат алу | Сайт эчтәлегенә күчәргә

Эшлекле туризм

Татарстанда төрле халыкара күргәзмәләр һәм форумнар үткәрү Россиянең әлеге төбәген “эшлекле туризм” күзлегеннән караганда бик кызыксындыргычка әйләндерде. Күбесенчә чит ил компанияләре һәм Россия фирмалары еш кына Казанны үз чараларын үткәрү өчен сайлыйлар. Моның өчен биредә барча шартлар да тудырылган: заманча күргәзмә комплекслары һәм конгресс-холлар, уңайлы кунакханәләр һәм пансионатлар.

“Казан ярминкәсе” күргәзмәләр комплексы 12 гектардан артык мәйданда урнашкан һәм Кабан күле янәшәсендәге бик тә гүзәл күренештән гыйбарәт. Күргәзмәләр үзәгендә гомуми мәйданы 6700 кв. м. булган өч павильон, кабул итүләр буенча төп павильон һәм VIP-класслы презентация, заманча конгресс-үзәк бар.

Казан ярминкәсендә 40тан артык күргәзмә чаралары үткәрелә, алар икътисадның барча диярлек тармагын колачлый.
http://expokazan.ru/

Күпфункцияле «Korston Hotel & Mall Kazan» кунакханәләр сәүдә-күңел ачу комплексы яхшы урында урнашуы белән аерылып тора һәм үзенең составында Европа классындагы 4* һәм 5* кунакханәләргә, күңел ачу үзәгенә, 50дән алып 350 кешене сыйдырырлык 5 күпфункцияле залга һәм бер колоннасы да булмаган 1350 кеше сыйдырышлы бал залына ия. Барлык заллар да зәвыклы классикадан зиннәтле бал ампиры кебек элегант стилендә формалаштырылган.
http://www.korston.ru/kazan/

Халыкара мәгълүмати үзәк — (ХМҮ), Универсиада Авылында урнашкан, гомуми мәйданы 50 000 кв.м. артып китә. Халыкара мәгълүмати үзәк стеналарында Универсиада-2013 катнашучылары өчен төп хезмәтләр һәм сервислар урнаштырылган була.
Хәзерге вакытта ХМҮ — Казан (Идел буе) федераль университеты кампуслары һәм Идел буе дәүләт физик культура, спорт һәм туризм академиясенең, Идел буе төбәкара ИТ-мәктәпнең, һәм шулай ук Җәйге спорт төрләре буенча Россиянең җыелма командаларын әзерләү буенча федераль үзәкнең укыту-лаборатор һәм тәэминат биналары. Үзәктә дөньяда беренче Универсиада Музее ачык.
http://kazan2013.ru/